99 ന്റെ പരീക്ഷ

*99ന്റെ പരീക്ഷ.*

രാജസേവകൻ *ദരിദ്രനാണ്, എങ്കിലും സന്തുഷ്ടനാണ്!.*

രാജാവ് മന്ത്രിയോട് ചോദിച്ചു.. ''മന്ത്രീ,, ഇക്കണ്ട സൗകര്യങ്ങൾ ഒക്കെയുണ്ടെങ്കിലും ഒരു സമാധാനമില്ല.. ആ രാജസേവകനെ കണ്ടോ എത്ര സന്തോഷവാനാണ് അയാൾ! എന്താണതിന്റെ കാരണം!?"

മന്ത്രി പറഞ്ഞു.. *രാജാവേ, താങ്കൾ  99ന്റെ പരീക്ഷ നടത്തിയാൽ മതി, നിസ്സാരമായി ഉത്തരം കിട്ടും.*

ങ്ങേ.. അതെന്താ *99*ന്റെ പരീക്ഷ!?

*99* വെള്ളി നാണയങ്ങൾ ഒരു കിഴിയിലാക്കി, ഈ *100* നാണയങ്ങൾ നിനക്കുള്ളതാണെന്ന് എഴുതി; അയാളുടെ വീട്ടു പടിക്കൽ വെക്കൂ.. അപ്പോൾ *സമാധാനക്കേടിന്റെ കാര്യം മനസ്സിലാവും!*

രാജാവ് നാണയക്കിഴി സേവകന്റെ വീട്ടു പടിയിൽ വക്കാൻ ഏർപ്പാടാക്കി..

രാത്രിയിലെപ്പോഴോ പുറത്തിറങ്ങിയ സേവകൻ തന്റെ പടിക്കലിരിക്കുന്ന പണക്കിഴി കണ്ടു..
അത് രാജസമ്മാനമാണെന്ന് അറിഞ്ഞ്; സന്തോഷിച്ചു,
*100 വെള്ളി നാണയങ്ങൾ!!*

അയാൾ നാണയങ്ങൾ  എണ്ണാൻ തുടങ്ങി.. *എത്രയെണ്ണിയിട്ടും 99 നാണയങ്ങൾ മാത്രം കവറിൽ 100 എന്നല്ലേ എഴുതിയിരിക്കുന്നത്! ബാക്കിയുള്ള ഒരു നാണയമെവിടെ!?*  അയാൾ *തിരച്ചിൽ* തുടങ്ങി..

വീടും പറമ്പും *അരിച്ചു പൊറുക്കി*. ഭാര്യയേയും, മക്കളേയും, അയൽക്കാരേയും ചോദ്യം ചെയ്തു.. പക്ഷേ; ആ ഒരു നാണയം മാത്രം കിട്ടിയില്ല!

*കാണാതായ ആ ഒരൊറ്റ  നാണയത്തെ കുറിച്ചോർത്ത്* അയാൾക്ക് അന്ന് രാത്രി ഉറക്കം വന്നില്ല.

*ഒരു പക്ഷേ; ജീവിതത്തിൽ ആദ്യമായി ഉറങ്ങാനാകാത്ത രാത്രി!*

അടുത്ത ദിവസം;  അയാൾ വളരെ ദുഖിതനായാണ് രാജകൊട്ടാരത്തിൽ എത്തിയത്.

*നിങ്ങൾക്കെന്തു പറ്റി?*
*ഏറെ ക്ഷീണിതനും, ദു:ഖിതനുമാണല്ലോ?* രാജാവ് അന്വേഷിച്ചു.

പ്രഭോ അങ്ങ് തന്ന 100 നാണയങ്ങളിൽ *ഒരെണ്ണം* മാത്രം കാണുന്നില്ല. അതോർത്താണീ വിഷാദം!

രാജാവിന് കാര്യം പിടികിട്ടി.. തന്റെയും രോഗം ഇത് തന്നെ!

*കിട്ടാത്ത ഒന്നിനെ  ഓർത്താണ് ദുഃഖം, കയ്യിലുള്ള 99ൽ സന്തോഷിക്കാനും, അനുഗ്രഹങ്ങൾ തന്ന ദൈവത്തിനോടുള്ള നന്ദികാണിക്കാനും അതിനാൽ മറക്കുന്നു!*

*കിട്ടിയതൊന്നും മതിയാവാതെ സങ്കടപ്പെട്ട് കാലം കഴിക്കണോ?* അതോ, *ഉള്ളതിൽ സംതൃപ്തനായി* *സമാധാനമായി ജീവിക്കണോ*

*തീരുമാനം നമ്മുടേതാണ്..* *നമ്മുടേത് മാത്രം...*

എത്രകല്ലുകൾ നിറഞ്ഞ വഴിയിലൂടെയും നല്ലൊരു ഷൂസ് അണിഞ്ഞാൽ നമുക്കു വളരെയെളുപ്പം നടക്കാൻ പറ്റും. എന്നാൽ ധരിച്ച ഷൂസിനുള്ളിൽ ചെറിയൊരു കല്ല് കടന്നു കൂടിയാലോ!?

അതായത് "പുറത്തുള്ള പ്രശ്നങ്ങളല്ല; നമ്മുടെ പരാജയ കാരണം.. നമ്മുടെ ഉള്ളിലുള്ള കുറവുകളാണ്!"
.നമ്മുടെ ചിന്തകളാണ് നമ്മുടെ ഭാവി നിർണ്ണയിക്കുന്നത്!! 🙏